Our Services

Dynamic Website

Designing an excellent site at a reasonable price in the latest global way ...

SEO Marketing

Be Digital Agency has proven its efficiency in helping its clients reach th...

Social Media

Our product ads on Media Media require specialized professionals to design,...

Globot - Chat robot

Could you imagine a robot managing your business? We have all heard of t...

Branding

BUILDING UNIQUE AND LASTING IMPRESSIONS   Generate real economic...

Twenty pearls of wisdom to success

Twenty pearls of wisdom to success

20 درس في النجاح مش مكتوبين في كتب:

- كل لحظة هتقضيها مع شخص عظيم هتخليك تندم على كل يوم ضيعته مع شخص تافه. اختر رفقاء الرحلة بدقة شديدة..انت هتكون زيهم غصب عنك.

- النجاح في الحياة مش انك تشتغل 24 ساعة على حلمك..ولكن انك توازن بين الشغل والراحة..لان وقت الراحة هو أروع وقت هتنتج فيه أفكار وابداعات هتوصلك بسرعة.

- سرعة زوال المشاعر الإيجابية اكبر بمراحل من سرعة زوال المشاعر السلبية. يعني لحظات الفرح والانتصار بتخلص بسرعة جدا. الخلاصة: لا تربط سعادتك بلحظة تحقق الحلم..لأنها لحظة سريعة جدا ولكن اربط سعادتك بكل لحظة بتعيشها دلوقتي.

- إذا كنت أفضل واحد في شلتك. غير الشلة أو ضيف عليها شلة جديدة اقوى واكتر ايجابية.

- الأصل هو انك تكون مبسوط وسعيد ومستمتع طول يومك..كونك تعيس مكتئب حزين...يبقى انت لسة مافهمتش الحياة المفروض تتعاش ازاي.

- فشلك عمره ما يقدر يسجنك لأنه ماعندوش أي دليل ضدك...خوفك منه هو دليله الوحيد!

- الناقدين والكارهين هما ناس نفسهم يكونوا زيك بس مش عارفين .. فبدلا ما يطوروا نفسهم..بيطلعوا طاقتهم في محاربتك. اشفق عليهم وسامحهم..هي مشكلتهم مش مشكلتك.

- كل ما هتحقق حلم...هتطمح لاضعافه...الأصل في رغباتك الإتساع والإزدياد...وده يخليك لا تتعلق بحلم او هدف معين...ولكن تعلق بالرسالة والرحلة والنية الخالصة لله.

- مش محتاج تبالغ في التعبير وتقول اتغيرت 360 درجة..لان ده معناه انك لم تتغير اصلا. دايما المبالغة في أي شيء مالهاش معنى.

- نادرا ما هتلاقي حد عنده حرقة الحلم اللي عندك..اختر شركاء حلمك بعناية. لو مش بيولع قدامك من الحماس..إكس عليه.

- طالما صحيت من النوم النهاردة..يبقى لسة ربنا عايزك تعمل شيء مفيد لنفسك وغيرك وآخرتك. استغل يومك واطحنه صح. لو ما فيش أمل فيك وما لكش لزمة..ماكانش رد لك روحك تاني.

- سر النجاح, فن إدارة المتاح... أعرف مواردك وقدراتك هتقدر تحدد هدفك وتوصله

- كل ما هتكون صعب على نفسك .. الحياة هتكون سهلة عليك .. وكل ما هتكون سهل على نفسك .. الحياة هتكون صعبة عليك.

- خليك عاقل ومتزن في كل شيء في حياتك...إلا تطوير نفسك...خليك مجنون وجعان وذو شراهة مخيفة للعلم...وستحصل على عشر أضعاف مجهودك ووقتك وفلوسك.

- مش معنى ان شخص سلك طريق ونجح فيه انك تسلك نفس الطريق عشان تنجح زيه..دور على طريقك..طريقك زي بصمة صباعك..فريد لم ولن يتكرر.

- اسمع رأي الناس فيك..خد الإيجابي منه .. واعمل mute للسلبي المحبط منه. لإن الأخير هو الأغلب وخصوصا لو من أقرب المقربين منك.

- عندما تتآمر كل معادلات الأرض ضدك في طريق أحلامك..تذكر أن معادلات السماء لها حسابات أخرى

- لطلبة الجامعات: خصص يومين بالكتير للمذاكرة خلال الأسبوع..وبقية الأيام قضيها في تطوير نفسك بالتدريب والاحتكاك والأنشطة الجديدة..هو ده اللي هيصنع مستقبك...لكن شهادتك لا تعدو ورقة رسمية هتستخدمها في الإجراءات فقط.

- أحسن الظن بالناس في جميع الأحوال..انت أول واحد هترتاح.

- وأخيرا...أنجح وأسعد ناس في الحياة هما اللي عندهم ذاكرة سيئة تجاه أحداث ماضيهم السلبي. لو سمحت كسر الميموري كارد بتاع الماضي وابدأ على هارد جديد

GLOBALDINNE
Website: www.globaldinne.com

Facebook: https://www.facebook.com/globaldinne
LinkedIn: https://www.linkedin.com/company/globaldinne
Instagram: https://www.instagram.com/globaldinne
Twitter: https://twitter.com/Globaldinne